Памер шрыфту
A- A+
Iнтэрвал памiж лiтарамі
Каляровая схема
A A A A
Дадаткова

Адзенне гімназіста

Школьная (гімназічная) форма ў афіцыйна-дзелавым стылі адзення з'яўляецца абавязковай для ўсіх вучняў, якія навучаюцца ў 1-11 класах.

Пра неабходнасць увядзення школьнай формы сведчыць наступнае:

  • строгі стыль адзення стварае ў гімназіі дзелавую атмасферу, неабходную для заняткаў, дысцыплінуе вучняў;
  • школьная форма дазваляе пазбегнуць спаборніцтва паміж вучнямі ў адзенні;
  • школьная форма дазваляе стварыць пазітыўны настрой, спакойны стан, актывізуе жаданне ісці ў гімназію;
  • школьная форма дапамагае вучню адчуць сябе членам пэўнага калектыву;
  • школьная форма дазваляе значна зэканоміць бюджэт бацькоў;
  • школьная форма развівае эстэтычны густ.

Асноўныя патрабаванні да школьнай формы і знешняга выгляду вучня:

Школьная форма -гэта класічны ці дзелавы стыль адзення.

Школьная форма падпадзяляецца на парадную, паўсядзённую і спартыўную.

Парадная форма:

  • для юнакоў - белая мужчынская (хлапчуковаю) сарочка, пінжак, камізэлька, штаны (аднатонны касцюм), туфлі. Гальштук, бабачка і да т.п. па жаданні.
  • для дзяўчат - блуза кашульнага крою, жакет, спадніца, штаны, (касцюм са бштанамі або спадніцай), сарафан, туфлі.
Паўсядзённая форма:
  • для юнакоў - пінжак, штаны, аднатонная (няяркіх тонаў) кашуля без яркіх малюнкаў і надпісаў, камізэлька, аднатонны трыкатажны джэмпер (зіма), вадалазка аднатоннага (няяркіх тонаў) колеру. Пераважнымі спалучэннямі лічацца спалучэнні -светлый верх, цёмны ніз.
  • для дзяўчат - блузы кашульнага крою (аднатонныя, пастэльных тонаў), штаны, спадніца, жакет, камізэлька без яркіх малюнкаў і надпісаў, сарафан. Пераважнымі лічацца спалучэнні - светлы верх, цёмны ніз.


Спартыўная форма:

  • для заняткаў на вуліцы - спартыўныя касцюмы ў вольным варыянце, красоўкі;
  • для заняткаў у спартыўнай зале (пры тэмпературы вышэй 14˚) - футболка (белая), спартыўныя трусы ці шорты, спартыўныя штаны цёмных тонаў, кеды або красоўкі палегчанага варыянту.


Вучні абавязаны насіць паўсядзённую школьную форму штодня. Спартыўная форма ў дні ўрокаў фізічнай культуры і здароўя прыносіцца з сабой або захоўвацца ў класным кабінеце. У дні правядзення ўрачыстых лінеек, агульнашкольных мерапрыемстваў вучні апранаюць парадную форму.

Без школьнай формы вучні на (да) заняткі(аў) не дапускаюцца.

Катэгарычна забараняецца нашэнне джынсавага, спартыўнага і адзення бялізнавага стылю, скарочаных топікаў, штаноў з нізкім поясам!

Адзенне павінна быць абавязкова чыстым, свежым, адпрасаваным.

Абутак павінны быць чыстым.

Знешні выгляд павінен адпавядаць агульнапрынятым нормам дзелавога стылю і выключаць такія дэталі, як яркі макіяж і манікюр, буйныя ўпрыгажэнні, у тым ліку і пірсінг.

Юнакі павінны мець акуратную стрыжку, дзяўчыны - ахайна прычасаныя (укладзеныя) валасы. 


Нагадаем таксама пра пазіцыю Міністэрства адукацыі Рэспублікі Беларусь у дачыненні да стылю адзення для вучобы. У адпаведнасці з тлумачэннямі, прыведзенымі на афіцыйным сайце ў адказе на пытанне "Ці існуе ў Беларусі афіцыйнае паняцце «школьная форма»?", "Ва ўстановах агульнай сярэдняй адукацыі ўведзены дзелавы стыль адзення - строгі вытрыманы стыль, прызначаны для наведвання вучнямі вучэбных заняткаў ва ўстановах агульнай сярэдняй адукацыі. Увядзенне дзелавога стылю адзення прадугледжвае выхаванне пачуцця этыкету ў падрастаючага пакалення, уменне ранжыраваць адзенне на розныя стылі і разумець значэнне па яго ўжыванні.

Да камплекту школьнага адзення прад'яўлены пэўныя патрабаванні. Ён павінен быць шматфункцыянальным, гігіенічным, зручным і адпавядаць сучасным напрамкам моды.

Вучні, іх законныя прадстаўнікі сумесна з адміністрацыяй установы і педагагічнымі работнікамі маюць права выбару мадэлі, колеру і якасці тканін, з якіх выраблена адзенне дзелавога стылю".

Міністэрства адукацыі звяртае ўвагу, што пры арганізацыі адукацыйнага працэсу ва ўсіх тыпах агульнаадукацыйных устаноў вучні І-ХІ класаў прытрымліваюцца адзення дзелавога стылю. Узоры адзення дзелавога стылю кожны год зацвярджаюцца Каардынацыйным саветам па ўвядзенні адзення дзелавога стылю, рэкамендаванага для вучняў агульнаадукацыйных устаноў, арганізацыі яе вытворчасці і рэалізацыі.


Узоры мадэлей адзення дзелавога стылю абнаўляюцца штогод на сайтах канцэрна «Беллегпрам» (www.bellegprom.by) і Міністэрства адукацыі Рэспублікі Беларусь.


Рэкамендуем азнаёміцца з Калекцыяй адзення дзелавога стылю для вучняў устаноў агульнай сярэдняй адукацыі канцэрна Беллегпрам

Раздзелы сайта